He sum hi Disaster Management & Rehabilitation department kutah a awm mek a, State Disaster Relief Fund (SDRF) guidelines angin an sum hmuh zinga 10 crore chu Directorate chuan District Disaster Management Authortiy (DDMA) tin-ah a ṭul angin a semdarh mek zel a ni.

Hetihrual hian sum dawn zinga 5 crore chu State Disaster Relief Fund (SRDF) guidelines in a phut angin investment atan ruahman mek a nih thu RTI Act, 2005 zawhna department lamin an chhanna ah tarlan a ni. 

Sorkar thar-ah Mizorama raltlante chhawm dawlna tur pawh Central sorkar aṭangin Mizoram sorkar, DM& R department chuan 5 crore a dawng tawh nia hriat a ni a, hei hi Ministry of Home Affairs in 15 crore a pek zinga tel a nih leh nihloh Zoram Today chuan a hre theilo thung.

Disaster Management & Rehabilitation department hian chhiatrupna thlen thulha hman tur silpouline bundle 167 tunah hian a kawl mek a, silpouline supply tur thlanna department in a neih ngailoh bakah heng silpouline lei te hi danin a phalsak angin emergency case in department-in a lei ṭhin a, lei dawnah local price zinga a tlawm ber chu an thlang ṭhin a ni.